МИНИСТЕРСТВО ОБРАЗОВАНИЯ И НАУКИ РЕСПУБЛИКИ САХА (ЯКУТИЯ)

Государственное бюджетное профессиональное образовательное учреждение РС(Я)

"СВЕТЛИНСКИЙ ИНДУСТРИАЛЬНЫЙ ТЕХНИКУМ"

 678196, Республика Саха (Якутия), Мирнинский район, п. Светлый, ул. Советская-5
 Эл. почта: mit@miritex.ru  Тел. (факс) 8 (41136) 7-13-90 ‬ Сайт: www.gou-spo-mit.ru

Интернет-приемная директора СИТ - Тарасовой Л.С.

Главная. Новости

Светлэйдээ5и индустриальнай техникум Саха сирин ыччатынпромышленноска, оробуочайидэлэргэсыһыарар

Светлэйдээ5и индустриальнай техникум Саха сирин ыччатынпромышленноска, оробуочайидэлэргэсыһыарар

Светлэйдээ5и индустриальнай техникум. Саха сирин ыччатын промышленноска, оробуочай идэлэргэ сыһыарыыга бүтүн Арассыыйа үрдунэн 100  бастыҥ үөрэх кыһаларыттан биирдэстэринэн буолар. Техникум 2006 сылтан 2018 сылга диэри норуот хаһаайыстыбатын тыын салааларыгар, бырамыысалыннаска аналлаах 700-тэн тахса үлэһити бэлэмнээтэ. Манна үөрэтэр идэлэр олус наадалаахтар, уот, гаас, сылааһы хааччыйыы ситимнэрин үлэлэтэр, аныгы технологиялары баһылаабыт тиэхиник дьупулуомнаах, биир-икки оробуочай идэлээх дьон үөрэнэн тахсаллар.

Техникум салалтата бырамыысалыннай тэрилтэлэри кытары социальнай бииргэ үлэлээһин хайысхатын сайыннарар, элбэх тэрилтэни кытта дуогабар түһэрсэр уонна устудьуону улэгэ киллэрэргэ көмөлөһөр. Ол курдук, бөдөҥ хампаанньалартан АК «АЛРОСА» – 167 үөрэнээччи улэҕэ киирэллэригэр техникум салалтата көмө буолла, «Якутскэнерго» – 138 үөрэнээччи үлэҕэ киирэн үлэлии сылдьаллар, АО "Вилюйская ГЭС-3" филиала Светлинскай ГЭС – 52 , ГУП "Жилищно-коммунальное хозяйство РС (Я) – 54, АО «Теплоэнергосервис» Бүлүүтээҕи филиала – 29, Каскад Вилюйских ГЭС им. Е.Н.Батенчука – 42, Западные электрические сети ОАО АК «Якутскэнерго» – 83, ФГКУ «III отряд» ФПС по Республике Саха (Якутия) (С.Н. Веселов) – 55, АО «Сахатранснефтегаз» уонна Бүлүү, Нам, Үөһээ-Бүлүү, Уус-Майа, Аллараа-Халыма, Сунтаар, Өлүөхүмэ улуустарын баһылыктарын кытта өр кэмнээх сөбүлэһиигэ илии баттаста.

Ыччаты үөрэтэр-иитэр куратор буоларым быһыытынан устудьуоннар билиилэрин таһымнарын үрдэтиигэ утумнаахтык үлэлииргэ дьулуһабын. Биһиги оҕолорбут уу-хаар, ититии хаамыытын, кээмэйдиир-учуоттуур прибордарын, релейнай харысхал уонна автоматика, подстанциялар, уот-күөс утумун үлэлэрин сиһилии билиһиннэрэр лабораториялардаах, компьютер саамай баай ис хоһооннох бырагарааммата, сыбаарка аныгы технологията, араас ньымалара баар буоланнар, билиини чиҥник биэрэбит.

Үлэ биэрээччилэр үөрэх кыһатыгар ФГОС программаларын оҥорууга кыттыһан, устудьуоннар кэнэҕэски идэлэригэр бэлэмнээх, сатабыллаах буолууларыгар кыһаллаллар,үгүс инженердэр, энергиэтиктэр техникумҥа кэлэн устудьуоннары үөрэтэллэр. Онон, биһиги үөрэнээччилэрбит Саха сирин ханнык да муннугар тиийдэхтэринэ, тэхиньиичэскэй билиилэрэ хаачыстыбалаах буолан, тэрилтэлэр үөрүүнэн үлэҕэ ылаллар.

Кураторынан үлэлиир кэммэр, «Электрическай станциялар, ситимнэр уонна системалар» диэн идэҕэ үөрэммит устудьуоннарбын: Лосоров Георгий, Иванов Валентин (Ньурба улууһа, Маар), Атласов Анатолий (Аллараа Халыма, Андрюшкино), Горохов Захар (Уус-Алдан, Мындаба), Заровняев Алгыс (Дьокуускай), Максимов Еремей (Өлүөхүмэ, Кээччи), Николаев Антон (Сунтаар), Сивцев Марк (Нам) Айхал хайа-байытар комбинатыгар электрическай оборудованиены өрөмүөннээһиҥҥэ электрослесарь идэтинэн улэҕэ ылбыттара. Зиновьев Борис, Алтынников Алексей, Макаров Никита – ОАО АК «Якутскэнерго» ЗЭСкэ улэҕэ киирбиттэрэ. Биһиги техникуммытын бутэрбит сорох оҕолор, үрдүк үөрэх кыһатыгар салгыы үөрэнэллэр: Максимов Евгений (Московскай институт ыстаал уонна сплав)Софронова Любовь (СВФУ), Михайлова Туйаара (СВФУ), Кириллин Семен (ЯГСХА).

Тыа сирин ыччата, бугуҥҥү күҥҥэ куорат да, тыа да сиригэр олус наадалаах, уот, газ, сылааһы хааччыйыы ситимнэрин үлэлэтэр, аныгы технологиялары чааһынай дьиэлэргэ киллэриигэ идэлэри баһылыырга бэйэлэригэр туһалааҕын өйдөөннөр, бырааттарын, балтыларын үөрэнэр техникумнарыгар ыҥыраллар. Ол курдук, Уус-Алдантан элбэх оҕолоох Олесовтар дьиэ кэргэттэриттэн Василина уонна Нарыйа үөрэхтэрин бүтэрэн үлэһиттэр, кыра балтылара Лена, Даша уонна икки игирэ уолаттар Ваня уонна Афанасий  билигин техникумҥа үөрэнэ сылдьаллар.

21 үйэҕэ сарсыҥҥы күн эппиэтинэһэ ыччакка сүктэриллэр. Аныгы үйэҕэ элбэҕи билэр, саҥа техниканы баһылаабыт, киэҥ өйдөөх-санаалаах эдэр киһи кыайыылаах-хотуулаах тахсар.

Габышева Туйара Прокопьевна,

преподаватель общепрофессиональных дисциплин,

кандидат филологических наук.

Поиск:  
 
© ГБПОУ РС (Я) «СИТ» 2011-2018 гг

Контакты: 678196 РС(Я), Мирнинский р-н, п.Светлый, ул.Советская 5. Тел (факс): 8(41136) 7-13-90. Эл. адрес: mit@miritex.ru